bhaye pragat kripala deen dayala lyrics » भए प्रगट कृपाला दीनदयाला
bhaye pragat kripala deen dayala lyrics
bhaye pragat kripala lyrics » भए प्रगट कृपाला दीनदयाला
भए प्रगट कृपाला दीनदयाला,
कौसल्या हितकारी ।
हरषित महतारी, मुनि मन हारी,
अद्भुत रूप बिचारी ॥
लोचन अभिरामा, तनु घनस्यामा,
निज आयुध भुजचारी ।
भूषन बनमाला, नयन बिसाला,
सोभासिंधु खरारी ॥
कह दुइ कर जोरी, अस्तुति तोरी,
केहि बिधि करूं अनंता ।
माया गुन ग्यानातीत अमाना,
वेद पुरान भनंता ॥
करुना सुख सागर, सब गुन आगर,
जेहि गावहिं श्रुति संता ।
सो मम हित लागी, जन अनुरागी,
भयउ प्रगट श्रीकंता ॥
ब्रह्मांड निकाया, निर्मित माया,
रोम रोम प्रति बेद कहै ।
मम उर सो बासी, यह उपहासी,
सुनत धीर मति थिर न रहै ॥
उपजा जब ग्याना, प्रभु मुसुकाना,
चरित बहुत बिधि कीन्ह चहै ।
कहि कथा सुहाई, मातु बुझाई,
जेहि प्रकार सुत प्रेम लहै ॥
माता पुनि बोली, सो मति डोली,
तजहु तात यह रूपा ।
कीजै सिसुलीला, अति प्रियसीला,
यह सुख परम अनूपा ॥
सुनि बचन सुजाना, रोदन ठाना,
होइ बालक सुरभूपा ।
यह चरित जे गावहिं, हरिपद पावहिं,
ते न परहिं भवकूपा ॥
भए प्रगट कृपाला दीन दयाला – दोहा
बिप्र धेनु सुर संत हित,
लीन्ह मनुज अवतार ।
निज इच्छा निर्मित तनु,
माया गुन गो पार ॥
bhaye pragat kripala deen dayala lyrics
bhaye pragat kripala deen dayala,
kausalya hitkari |
harashit mahatari, muni mana hari,
adbhut roop bichari ||
lochan abhirama, tanu ghanasyama,
nij aayudh bhujchari |
bhushan banmala, nayan bisala,
sobhasindhu kharari ||
kah dui kar jori, astuti tori,
kehi bidhi karun ananta |
maya gun gyanateet amana,
ved puran bhananta ||
karuna sukh sagar, sab gun aagar,
jehi gavahin shruti santa |
so mam hit lagi, jan anuragi,
bhayau pragat shreekanta ||
brahmand nikaya, nirmit maya,
rom rom prati bed kahay |
mam ur so basi, yah upahasi,
sunat dhir mati thir na rahay.
upaja jab gyana, prabhu musukana,
charit bahut bidhi keenh chahay |
kahi katha suhaee, maatu bujhaee,
jehi prakaar sut prem lahay ||
mata puni boli, so mati doli,
tajahu taat yah roopa |
keejay sisulila, ati priyasila,
yah sukh param anupa ||
suni bachan sujaana, rodan thaana,
hoi balak surabhoopa |
yah charit je gavahin, haripad pavahin,
te na parahin bhavakoopa ||
bhaye pragat kripala, deen dayala,
kausalya hitakari |
harashit mahatari, muni mana hari,
adbhut roop bichari ||
